Mediat ndërkombëtare kanë rikthyer profecitë e Baba Vangës për vitin 2024, pas rindezjes së konflikteve në Lindjen e Mesme.
Baba Vanga, Vangelia Pandeva Dimitrova, pohoi se Zoti i dha dhuratën për të parë të ardhmen kur u verbërua në moshën 12-vjeçare.
Ajo vdiq në vitin 1996, por ajo parashikoi disa nga ngjarjet më të pabesueshme në historinë njerëzore.
Mistikja e verbër arriti të parashikojë sulmet terroriste të 11 shtatorit dhe cunamin e Ditës së Boksit të vitit 2004 dhe gjithashtu dukej se e kishte paralajmëruar botën për ngritjen e grupit terrorist ISIS-in disa dekada më parë.
Në mënyrë të pabesueshme, në vitin 1980 ajo parashikoi fundosjen e nëndetëses bërthamore ruse Kursk në vitin 2000.
Sipas saj, viti 2024 do të sjellë tmerre të shumta, si sulme terroriste në Evropë, sulme biologjike dhe Lufta e Tretë Botërore. Duke pasur parasysh zhvillimet në Lindjen e Mesme, shumë kanë frikë se këto profeci do të realizohen shumë lehtë, shkruan Dailymail.
Vanga njoftoi një “valë terrori” dhe la të kuptohet se mund të ndodhte që një “superfuqi botërore” nga hijet të përdorë armë biologjike.
Në kontekstin e sulmit të Iranit ndaj Izraelit, diskutimet për luftën globale po përhapen në mediat sociale dhe liderët botërorë janë në gatishmëri të lartë.
Autoritetet iraniane thanë se janë të gatshëm të përdorin “armë që nuk i kanë përdorur kurrë” nëse Izraeli i përgjigjet sulmit.
Baba Vanga tha, ndër të tjera, se Evropa do të pushojë së ekzistuari deri në vitin 2017 dhe se kontinenti do të shndërrohet në një “djerrinë pothuajse tërësisht pa jetë njerëzore”.
