Fondi Monetar Ndërkombëtar i kërkon qeverisë shqiptare që të ndërtojë një Strategji e shëndetshme Afatmesme të Ardhurash që zgjeron bazën tatimore dhe të eleminon mundësitë për shmangie.
Në fakt, qeveria shqiptare e ka planifikuar ta aplikojë një strategji të re në fillimin e vitit të ardhshëm, megjithatë, sipas FMN-së, ‘angazhimi dhe udhëheqja politike si dhe mbështetja e gjerë e palëve të interesuara janë vendimtare për t’a kthyer këtë në sukses”.
Në deklaraten e FMN-se evidentohet se ky institucion është kundër një amnistie tatimore dhe përjashtimeve e incentivave tatimore ad hoc, të cilat shkojnë në drejtim të kundërt me strategjinë afatgjatë të qeverisë për rritjen e të ardhurave tatimore.
Në këto kushte, FMN deklaroi se sheh nevojë për krijimin e një njësie të dedikuar në Ministrinë e Financave dhe Ekonomisë (MFE) për politikat tatimore që të ketë burime dhe personelin e duhur.
