Primet e shkruara nga 14 kompanitë e sigurimit që operojnë në Kroaci, gjatë 10-mujorit të këtij viti, arritën në 1.4 miliardë euro, nga të cilat 243.8 milionë euro (17%) i përkasin Sigurimeve të Jetës dhe dhe 1.2 miliardë euro (83%) atyre të Jo-Jetës, raporton Agjencia Kroate e Mbikëqyrjes së Shërbimeve Financiare (HANFA).
Në strukturën e sigurimit të jo-jetës peshën më të madhe e zë MTPL (35.7%), e ndjekur nga KASKO (18.%) dhe Sigurimet e Pronës nga zjarri dhe dëmet natyrore (9.2%).
Totali i dëmeve të paguara gjatë 10-mujorit arriti në 925 milionë euro, nga të cilat 345.8 milionë euro janë paguar në sigurimet e jetës (37.4 %), dhe 579.2 milionë euro (62.6 %) në sigurimet e jo-jetës, përcjell Sigurime.Online
Në strukturën e dëmeve të paguara jo-jetës, peshën më të madhe e zenë Sigurimet Motorike (59.9%) dhe sigurimet nga zjarri dhe dëmet natyrore (9.7%).
