Nuk ka kaluar pa pasoja tërmeti i mbrëmjen së djeshme me epiqendër në Klos.
Dëme më të mëdha kanë pësuar banesat e vjetra private por edhe pallatet. Dhe bëhet fjalë jo vetëm për plasaritje por edhe mure të çara.
Sipas të dhënave nga prefektuara e Qarkut të Dibrës, deri tani rezultojnë të dëmtuara 30 banesa, kryesisht në Klos dhe Mat.
“Për fat të mirë nuk kemi dëmtime në njerëz, deri tani ka ankesa nga qytetarët edhe të verifikuara rreth 22 ndërtesa”, tha Prefekti i Dibrës.
Tërmeti riktheu panikun tek shumë qytetarë të cilët u detyruan të lënë shtëpitë dhe të dalin në rrugë.
Pasojat e tërmetit u ndjenë edhe në Tiranë, ku konkretisht në fshatin Zall Bastar, raportohet të jenë dëmtuar 4 shtëpi.
