Ndërsa tregu i sigurimeve për këtë fillim viti ka shënuar një tkurrje na raport me një vit më parë, portofoli i aksidenteve dhe shëndetit është ndër të paktët që kanë regjistruar rritje.
Autoriteti i Mbikqyrjes Financiare raporton rritje të arkëtimeve por edhe të numrit të kontratave të nënshkruara nga kompanitë e sigurimeve, qoftë në portofolin e jetës, ashtu edhe në atë të shëndetit.
“Të ardhurat nga sigurimet e Aksidenteve dhe Shëndetit, gjatë periudhës janar 2022, arritën në rreth 137 milionë lekë, duke shënuar një rritje prej 26.1% në krahasim me periudhën janar 2021”, thekson në raport Autoriteti i Mbikqyrjes Financiare. Ndërkaq, Primet nga sigurimet e Jetës gjatë periudhës janar 2022, arritën rreth 105 milionë lekë, ose 11.54% më shumë se në të njëjtën periudhë të një viti më parë.
Si në sigurimet motorike dhe ato të pasurisë, SIGAL UNIQA Group Austria është kompania numër 1 e sigurimeve në Shqipëri edhe sa i përket klasës së sigurimit “Aksidente dhe Shëndeti”.
Sipas raportit të AMF, mbi ecurinë e tregut të sigurimeve për janarin 2022, SIGAL UNIQA rezulton kompania më e madhe si në përqindjen që ze në treg ashtu edhe në dëmet e paguara.
LEXO EDHE: Më të mirët në treg/ Shëndeti i besohet SIGAL UNIQA-s, rritje e dëmeve të paguara
