17.5 C
Tirana
Thursday, March 28, 2024
spot_img
Faqe KryesoreLajmeAktualitetNga sot Austria rikthehet në karantinë kombëtare, protestat kundër masave anti-Covid pushtojnë...

Nga sot Austria rikthehet në karantinë kombëtare, protestat kundër masave anti-Covid pushtojnë Evropën

Sot Austria është rikthyer në karantinë të plotë kombëtare, ndërsa protestat kundër kufizimeve të reja që synojnë frenimin e infeksioneve të Covid-19 janë  përhapur në të gjithë Evropën.

Nga mesnata e ditës së sotme (22 nëntor), austriakëve u është kërkuar të punojnë nga shtëpia, ndërsa dyqanet jo-esenciale janë mbyllur.

Kufizimet e reja kanë shkaktuar protesta në të gjithë Evropën. Qytetarët janë përleshur me policinë në Holandë dhe Belgjikë.

Shkalla e infeksionit është rritur ndjeshëm në kontinent, duke nxitur paralajmërime nga Organizata Botërore e Shëndetësisë (OBSH).

Të shtunën, drejtori rajonal i OBSH-së, Dr Hans Kluge, i tha BBC-së se nëse masat nuk forcohen në të gjithë Evropën, siç janë vaksinat dhe vendosja e maskave, deri në pranverën e ardhshme mund të regjistrohen  më shumë se gjysmë milioni vdekje të tjera.

Javën e kaluar Austria u bë vendi i parë evropian që e bëri vaksinimin kundër Covid me detyrim, një  ligj që do të hyjë në fuqi në shkurt të 2022.

Politikanët në Gjermaninë fqinje po debatojnë për masa të ngjashme pasi njësitë e kujdesit intensiv janë tejmbushur, me numrat e rasteve që kanë arritur shifra rekord.

spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

REKLAME

spot_img

Me te lexuarat