Një 31-vjeçar ka humbur jetën në fshatin Gribë të Gramshit.
Policia njofton se aksidenti ndodhi rreth orës 02:50, teksa i riu po manovronte me motomjet në oborrin e banesës.
Sipas Policisë 31-vjeçari është rrëzuar aksidentalisht dhe është dëmtuar në kokë nga gurët në oborr.
Për shkak të dëmtimeve, ai ka humbur jetën ndërkohë që transportohej në spital.
“Rreth orës 02:50, në fshatin Gribë, shtetasi A. T., 31 vjeç, dyshohet se duke manovruar me motomjet, në oborrin e banesës së tij, aksidentalisht është rrëzuar dhe është dëmtuar në kokë nga gurët në oborr. Për shkak të dëmtimeve, shtetasi A. T. ka humbur jetën ndërkohë që transportohej në spital”, njofton policia.
