Ndërsa bota po përballet me variantin e ri të Covid-19, Izraeli ka identifikuar rastet e para të variantit të ri me 32 mutacione.
Ministria e Shëndetësisë izraelite njoftoi sot se varianti i zbuluar fillimisht në vendet e Afrikës Jugore, është identifikuar edhe në Izrael.
“Varianti i ri është gjetur te një person që është kthyer nga Malavi. Dy raste tjera janë identifikuar në njerëz që kanë ardhur nga jashtë”, ka thënë po ashtu Ministria, duke shtuar se të gjithë i janë nënshtruar masës së karantinës.
Të tre personat janë të vaksinuar, por nuk është specifikuar numrin e dozave apo lloji i vaksinës që kanë bërë.
Mbretëria e Bashkuar të enjten ndaloi fluturimet nga gjashtë vende afrikane ku u gjet varianti me mutacione të shumta dhe OBSH po mban një takim për të vendosur nëse do ta quajë B.1.1.529 ‘variantin shqetësues’.
Gjithashtu sot Italia mbylli kufijtë për disa shtet të Afrikës Jugore. Në shenjë të alarmit në rritje, Bashkimi Evropian propozoi sot ndalimin e udhëtimeve nga Afrika Jugore.
Ajo që është shqetësuese është se varianti “mbart” 32 mutacione, që rezulton shumë infektiv. Është kombinimi i 32 mutacioneve që e bën atë më të rrezikshëm (rritje e incidencës së infeksionit të rëndë dhe rritje të vdekshmërisë) dhe më ngjitës.
Kjo do të thotë se do të jetë më e vështirë për vaksinat për të parandaluar infektimin e virusit në trupin e njeriut, pasi sistemi imunitar nuk do është në gjendje ta njohë lehtë koronavirusin.
