Jo pak njerëz mund të mendojnë se një vend i madh, po themi Shtetet e Bashkuara të Amerikës, mund të jenë shteti më i vizituar në botë – por në fakt gabohen.
Franca qëndron në vend të parë, e ndjekur nga Spanja në vend të dytë dhe Shtetet e Bashkuara të Amerikës në vendin e tretë, sipas të dhënave të Organizatës Botërore të Turizmit.
Rreth 90 milionë vizitorë ndërkombëtarë udhëtuan drejt Francës në vitin 2019 dhe turizmi përbën 8% të prodhimit të brendshëm bruto të vendit, sipas Ministrisë së Jashtme në Francë.
LEXO EDHE: Turizmi, dyfishohen vizitorët vendas në Veri në tetor-dhjetor 2021
Në Francë mund të udhëtohet lehtësisht nga vendet europiane, ndërkohë që malet, kantinat e verës, pamjet e famshme dhe brigjet e mrekullueshme e kanë bërë zgjedhjen e parë për shumë turistë ndërkombëtarë.
Njerëzit tërhiqen gjithashtu nga kultura, kuzhina, bukuritë e vendit, riviera franceze, Parisi i famshëm romantik dhe shumë destinacione të tjera mbresëlënëse.
Top10 më të vizituara në botë para pandemisë (viti 2019):
1. Francë
2. Spanjë
3. Shtetet e Bashkuara të Amerikës
4. Kinë
5. Itali
6. Turqi
7. Meksikë
8. Tajlandë
9. Gjermani
10. Mbretëri e Bashkuar
LEXO EDHE: A e dini se SIGAL UNIQA ofron rimbursimin e biletës ose paketës së udhëtimit?
