“Nëse burri aksidenton makinën time dhe unë kam MINIKASKO, a përfitoj?”, është një pyetje që na vjen në redaksinë e Sigurime.Online, të cilës do t’i japim përgjigje nëpërmjet këtij shkrimi.
Përgjigjja varet nga një fakt kyç: Nëse bashkëshorti juaj e ka të shkruar ose jo emrin në policën tuaj MINIKASKO.
MINIKASKO është një produkt shumë i zgjuar sigurimi të cilin e ofron SIGAL, i cili aktivizohet për dëmet materiale në mjetin shkaktar të një aksidenti, vetëm kur aksidenti ndodh në lëvizje, mjet me mjet dhe në rrugë automobilistike.
Siguruesi, (kompania e sigurimit) do të dëmshpërblejë të siguruarin deri në limitin maksimal të përgjegjësisë përcaktuar në Policën e Sigurimit, që do të thotë deri në shumën maksimale të shprehur në kontratë, për dëmet materiale të shkaktuar mjetit motorik në lëvizje.
Përfitues nga aktivizimi i MINIKASKO është drejtuesi i mjetit kur ky i fundit është personi i identifikuar si i siguruari/përdoruesi i përcaktuar si i tillë kontratën e sigurimit/policën e sigurimit.
MINIKASKO do të aktivizohet për të dëmshpërblyer dëmin material deri afërsisht 10 mijë euro, nëse drejtuesi i mjetit shkaktar ka emrin në policën MINIKASKO.
“I siguruari”, sipas kontratës së sigurimit nënkupton vetëm personin fizik natyror te specifikuar si i siguruar në policën e sigurimit.
Shtesë këtyre, rasti i sigurimit duhet të vërtetohet detyrimisht edhe me raportin e policisë, foto të mjeteve të përfshira në vëndngjarje, të vendit të ngjarjes si dhe skicën e vendit të
ngjarjes.
Kështu që, nëse bashkëshorti juaj nuk e ka emrin në policën MINIKASKO, ajo nuk do të aktivizohet dhe ju nuk do të përfitoni dëmshpërblim për dëmet në automjetin tuaj.
