Një tërmet i fuqishëm u ka marrë jetën 250 personave dhe ka lënë qindra të plagosur në Afganistan. Një zyrtar i Afganistanit tha për BBC News se numri i të vdekurve ka të ngjarë të jetë më shumë se 250, teksa shtoi se 150 persona të tjerë ishin plagosur si pasojë e tërmetit.
Sipas Shërbimit Gjeologjik të SHBA, tërmeti i cili goditi gjatë orëve të para të mëngjesit teksa shumë njerëz ishin në gjumë, kishte magnitudë 6.1 ballë dhe një thellësi prej 51 km. Tërmeti goditi rreth 44 km (27 milje) nga qyteti juglindor i Khost.
Sipas Qendrës Sizmologjike Mesdhetare Evropiane, lëkundjet u ndjenë në më shumë se 500 km në Afganistan, Pakistan dhe Indi. Referuar kësaj qendre, u deklarua se dëshmitarët kishin raportuar se e kishin ndjerë tërmetin në kryeqytetin e Afganistanit, Kabul, si dhe në kryeqytetin e Pakistanit, Islamabad.
LEXO EDHE: Këmbana e përsëritur e tërmeteve/ Ja pse duhet të sigurohemi
