28 Nëntori shënon Ditën e Flamurit për të gjithë kombin shqiptar, ndërsa Shqipëria kremton sot 112 vjetorin e pavarësisë dhe krijimit të shtetit sovran.
Sot është një ditë festive për të gjithë shqiptarët, ku flamuri me shqiponjën dykrenore mbizotëron në të gjithë vendin dhe kudo ndodhen shqiptarët.
Organizimet nuk do të mungojnë as brenda dhe as jashtë kufijve, në Kosovë, në Maqedoninë e Veriut, Mal të Zi, Luginën e Preshevës dhe shumë vende tjera ku ndër të tjera nuk do të mungojnë edhe nderime për dëshmorët.
Më 28 Nëntor 1912, Kuvendi Kombëtar i Vlorës shpalli Pavarësinë e Shqipërisë.
Akti i Shpalljes së Pavarësisë përbën një nga ngjarjet më të rëndësishme në historinë e popullit shqiptar. Ai ishte fryt i përpjekjeve dhe i luftërave shekullore të shqiptarëve, për të mbrojtur tërësinë tokësore të atdheut dhe për të formuar shtetin e pavarur shqiptar.
Sigurime.Online i uron të gjithë shqiptarëve, kudo ndodhen, Gëzuar 28 Nëntorin.
