Gjithnjë e më shumë njerëz po u drejtohen pensioneve vullnetare për të siguruar të ardhura shtesë pas shkëputjes së marrëdhënieve të punës, ndërkohë që rritje përgjatë gjithë vitit kanë shënuar edhe shumat e parave që ata investojnë për këtë qëllim.
Autoriteti i Mbikqyrjes Financiare raporton se, të dhënat për tregun e pensioneve private vullnetare më 30.09.2021 tregon një total asetesh neto prej 4,2 miliardë lekësh (afërisht 35.25 milionë euro).
Sipas të dhënave, asetet e këtij tregu kanë shënuar një rritje prej 681.56 milionë lekë (18.92%) krahasuar me 31.12.2020.
Lexo edhe: Raporti i AMF/ Lider me 44% të tregut, shqiptarët i besojnë pensionin privat Fondit SIGAL
Numri i anëtarëve në fondet e pensioneve, më 30 shtator 2021 rezultoi 32,932 në fund të muajit shtator, duke shënuar një rritje prej 6.16% krahasuar me 31 dhjetorin 2020.
Ndërkohë duket se janë femrat ato që i drejtohen më shumë këtij lloj investimi.
AMF raporton se në fund të shtatorit rezulton se anëtarësia e këtij tregu përbëhet nga 16,992 femra dhe 15,940 meshkuj.
