Më shumë se 5,850 nxënës ishin pjesë e “UNIQA Trendsportfestival”, i organizuar nga “UNIQA Insurance Group” në të gjithë Austrinë ku për herë të parë këtë vit morën pjesë edhe fëmijë me aftësi të kufizuara.
Përmes sporteve të ndryshme, mbi 65 sporte të tillë, “UNIQA” kërkon të përçojë mesazhin e saj “Jetojmë më mirë së bashku”, çka është edhe motoja e Grupit në 17 shtete të ndryshme të Europës.
“UNIQA, si kompania lider e sigurimeve shëndetësore në Austri, ju këshillon, shoqëron dhe mbështet në rrugën drejt një jete më të mirë. Të ushtrohesh dhe të bësh sport rregullisht është një faktor vendimtar për të qëndruar të shëndetshëm. Çdo vit, festivali frymëzon mijëra studentë në të gjithë Austrinë”, shprehet ndër të tjera Peter Humer, anëtar i Bordit të UNIQA për Customer & Market Austria.
“UNIQA Insurance Group” është një prej kompanive lider të sigurimeve në Austri dhe Evropë dhe daton prej vitit të largët 1811 kur u themelua “Salzburger Landes-Versicherung”.
Sot, “UNIQA Insurance Group” mban emrin e saj në rangun e lartë të industrisë së sigurimeve, me një shtrirje në 17 shtete ku operon përmes 40 kompanive.
Sipas studimeve të pavarura, “UNIQA Insurance Group” është prej shumë vitesh marka më e njohur dhe më e besueshme e sigurimeve në Austri.
Ajo numëron mbi 22,500 punonjës, mbi 17 milionë klientë në 17 shtete të ndryshme dhe rreth 7.2 miliardë prime vjetore.
Prej marsit 2007 ajo është pjesë e tregut të sigurimeve në Shqipëri, Kosovë dhe Maqedoninë e Veriut përmes GRUPIT “SIGAL UNIQA”.
