Është vënë në pranga shoferi 63-vjeçar i cili shkaktoi aksidentin e djeshëm në Shëngjin, i cili në gjendje të dehur, u përplas me dy mjete të tjera.
Si pasojë e aksidentit mbetën të plagosura dy gra dhe një fëmijë i mitur.
Njoftimi i policisë:
“Policia e Lezhës ka arrestuar në flagrancë shtetasin T. N., 63 vjeç, për veprën penale “Drejtimi i automjetit në mënyrë të parregullt”.
Arrestimi i këtij shtetasi u bë pasi sot, rreth orës 17:20, në Shëngjin, automjeti tip “Audi”, që ai e drejtonte në gjendje të dehur, është përfshirë në aksident me 2 automjete të tjera tip “Benz”.
Si pasojë janë dëmtuar drejtuesja e njërit prej automjeteve tip “Benz”, shtetasja Xh. M., 39 vjeçe dhe 2 pasagjerë në automjetin e saj, një 30-vjeçare dhe një 10-vjeçar, të cilët janë dërguar në spital dhe janë jashtë rrezikut për jetën”.
LEXO EDHE: Shqipëria, e gjashta në Europë për vdekjet më të larta nga aksidentet rrugore
