Shqipëria është nga ato vende që vitet e fundit kanë hedhur vëmendjen nga sektori i turizmit si një nga sektorët më të fuqishëm ekonomikë.
Shumë turistë të huaj pritet të vizitojnë vendin tonë, pa harruar turistët vendas dhe ata nga Kosova, Maqedonia e Veriut apo vende të tjera të rajonit. Një sfidë e vërtetë për turizmin e një vendi të vogël si Shqipëria.
Për të zhvilluar këtë sektor dhe për të tërhequr sa më shumë turistë duhet të marrim përsipër shumë përgjegjësi. Ndaj, “Sigurimi i Përgjegjësisë për Hotelet dhe Restorantet” është jetik për çdo biznes.
Në një intervistë për RTSH, Drejtori i Përgjithshëm i SIGAL UNIQA Group Austria, z. Avni Ponari flet mbi rëndësinë që ka ky siguracion në një moment kur turizmi po zhvillohet gjithmonë e më shumë.
“Është i rëndësishëm për disa arsye.
Sepse mbron interesat e klientëve. Klientët europianë kur paraqiten nëpër hotele e kërkojnë këtë lloj sigurimi. A është ky hotel i siguruar? A ka sigurimin për përgjegjësinë mbi dëmet që mund ti shkaktojë çdo personi brenda hotelit? A ka ky hotel prëgjegjësi për dëme që mund të shkaktohen jashtë hotelit, për shkaqe të brendshme të hotelit?
Do të sillja edhe rastin e hotelit në Sarandë. Nëse hoteli i Sarandës do kish qenë i siguruar për përgjegjësinë dhe dëmet që mund të shkaktonte palëve të treta, atëherë të gjithë rreth e qark hotelit, të dëmtuar nga lënda eksploziv, do të ishin përfitues nga ky sigurim”, shprehet z. Ponari, i cili ka edhe një mesazh për pronarët dhe menaxherët e hoteleve në të gjithë vendin.
“Është e domosdoshme që të gjitha hotelet, në të gjithë territorin e Shqipërisë, duhet ta kenë këtë lloj sigurimi dhe këtë lloj përgjegjësie”.
KRONIKA E PLOTË NË RTSH:
