Çdolloj goditje e papritur financiare mund të bëjë që ekonomia globale të zhytet në recesion, sipas një parashikimi global të Bankës Botërore.
BB pret një ngadalësim të rritjes globale deri në 1.7%, një ritëm i treti më i dobët në 30 vitet e fundit, i lënë në hije vetëm nga recesionet e viteve 2009 dhe 2020.
Ekonomitë e mëdha botërore, përfshirë Evropën, SHBA-në dhe Kinën po përjetojnë dobësim të theksuar të ekonomve të tyre. Një gjë e tillë u vu në dukje në një raport të muajit janar, ku u shtua paralajmërimi se një kombinim i disa faktorëve të tjerë si borxhi dhe. përkeqësimi i kushteve financiare, mund të shkaktojë mospagim të koorporatave.
Në Evropë, ING Bank me bazë në Amsterdam lëshoi gjithashtu një parashikim për tregtinë evropiane këtë vit, duke treguar një perspektivë të paqartë për një numër industrish kryesore. Prodhimi dhe ndërtimi ka të ngjarë të shohin tkurrje të vogla; ndërsa sektorët e teknologjisë dhe transportit pritet të rriten më modestisht se vitin e kaluar.
Sipas ING, konsumatorët tani po shpenzojnë më shumë për shërbime, me kërkesën për mallra që zvogëlohet në një treg që tregon shenja dobësimi, me sanksionet ndaj Rusisë që ndikojnë gjithashtu në këtë gjendje.
Në sektorin e shitjes me pakicë, kërkesa po bie në nivelet para pandemisë pasi konsumatorët shpenzojnë për shërbime dhe jo për mallra, dhe sektori është goditur gjithashtu nga inflacioni i lartë që nga pjesa e fundit e vitit të kaluar.
Sipas bankës, prodhimi i vitin e kaluar u mbajt mirë, duke treguar një rritje prej 2% në përgjithësi. Megjithatë, kishte një gamë të gjerë brenda asaj etikete prodhuese, me mallra të varur nga nafta, si kimikatet dhe metalet bazë, me rënie përkatësisht 5,5% dhe 3,5%, ndërsa farmaceutikët dhe veshjet u rritën përkatësisht 14% dhe 5%.
