Gjatë muajit Tetor 2022 janë regjistruar 84 aksidente rrugore, sipas INSTAT.
Ndërkohë, sipas të njëjtit burim, numri i të aksidentuarve (të vrarë dhe të plagosur) gjatë të njëjtit muaj rezulton 105 persona.
Aksidentet shkaktohen nga drejtuesit e mjetit, kryesisht të rinj
Aksidentet rrugore, në 82,1% të rasteve, kanë ndodhur si pasojë e sjelljes së drejtuesit të mjetit.
Numri më i lartë i aksidenteve në këtë periudhë është kryer nga grup-mosha 25-34 vjeç, duke zënë 36,9% të numrit të aksidenteve gjithsej.
Në dhjetëmujorin e vitit 2022, janë regjistruar 968 aksidente rrugore, ndërsa numri i të aksidentuarve është 1.362 persona, raporton INSTAT.
Aksidentet rrugore, në 13,1% të rasteve, në dhjetëmujorin e vitit 2022 kanë ndodhur si pasojë e sjelljes së këmbësorit.
Qarku më problematik mbetet Tirana me 42 aksidente rrugore gjatë muajit tetor. E ndjekur nga Gjirokastra me 9 dhe Durrësi me 8.
Berati është qarku i vetëm që nuk ka regjistruar asnjë aksident rrugor gjatë tetorit 2022, raporton Policia e Shtetit.
LEXO EDHE: 122 viktima në 9 muaj nga aksidentet rrugore/ Shqipëria dyfish më shumë vdekje se BE
