Në të gjitha qarqet e vendit shërbimi i autoshkollës do të vendoset në raport me numrin e popullsisë.
Marrëveshja e arritur ndërmjet Shoqatave të Autoshkollave dhe Drejtorisë së Përgjithshme të Shërbimeve të Tranportit Rrugor e publikuar në Fletoren Zyrtare konsiston në disa rregulla.
Në një qark me të paktën 500 mijë banorë do të respektohet raporti një autoshkolle për çdo 15 mijëbanorë. Për qarqet nga 200 mijë deri në 500 mijë banorë do të jetë raporti një autoshkollë për çdo 12 mijë banorë. Ndërsa për qarqet nga 100 mijë deri në 200 mijë banorë do të jetë rregulli një autoshkolle për çdo 10 mijë banorë. Për 100 mijë banorë do të jetë raporti një autoshkollë për çdo 8 mijë banorë.
Për numrin e popullsisë do të merren të dhënat e publikuara nga INSTAT.
Për sa i përket moshës së automjeteve të autoshkollave, vjetërsia do të jetë 10 vjet për kategorit AM, A1, A2, A, B1, B, BE dhe 15 vjet për mjetet e kategorive: C1, C, C1E, CE, D1, D, D1E, DE.
Marrëveshja e vlefshme për një afat të pacaktuar midis Shoqatës së Autoshkollave dhe Drejtorisë së Përgjithshme të Shërbimeve të Tranportit Rrugor hyn në fuqi dhe do të zbatohet 15 ditë pas nënshkrimit. /SCAN
LEXO EDHE: Më lirë dhe më mirë/ Toyota Hybrid, zgjedhja e duhur në këtë kohë krize
