Kompanitë e sigurimeve duhet të kërkojnë mënyra të reja për të përmirësuar operacionet dhe sistemet e tyre për të ardhmen. Planifikimi dhe menaxhimi i performancës është bërë një aftësi kritike që ndihmon kompanitë e sigurimeve të marrin vendime të informuara, sipas një raporti të fundit në Gazetën e Sigurimeve.
Siguruesit duhet të zhvillojnë një sistem raportimi dhe analize financiare, i cili përveç krijimit të të dhënave buxhetore dhe parashikimeve për kompanitë e sigurimit, do të ndihmojë në ndërtimin e alternativave që prodhojnë skenarë që lidhen me rezultatin dhe faktorët e performancës. Veçanërisht me zbatimin e standardit të ri të raportimit SNRF 17 që kërkon shpjegime dhe raportime më të detajuara bazuar në vlerësimet aktuale, do t’u paraqiten investitorëve pasqyra financiare më transparente duke përfshirë parashikimet e ardhshme të shoqërisë së sigurimit.
Sfidat
Kur shikojmë të kaluarën, mund të themi se kompanitë e sigurimeve kanë qenë të fokusuara tek raportimi dhe jo tek planifikimi dhe analiza. Sot, ne shohim se mjetet e raportimit financiar janë të kufizuara nga burimet e të dhënave, proceset manuale, modelet komplekse dhe infrastruktura e pamjaftueshme teknologjike. Kjo situatë bën që të shpenzohet më shumë kohë për përgatitjen e raporteve sesa për analizat dhe mbështetjen e vendimeve. Kompanitë e sigurimit të jetës dhe jo jetës përballen me këto sfida dhe të ngjashme. Ka kompani që përdorin më shumë se një sistem kontabiliteti që është i pavarur nga njëri-tjetri.
Sfida të tjera përfshijnë:
- Investitorët kërkojnë informacion më të detajuar dhe transparent, duke përfshirë fushat e reja aktuale si komponentët e – Mjedisi, Sociale dhe Qeverisja (ESG);
- Infrastruktura e avancuar teknologjike, grumbullimi i të dhënave në nivel grupi, që kërkohet për standardet e reja të raportimit financiar.
Për të përmirësuar sistemin, ekipet e financave, aktuarët dhe oficerët e risqeve duhet të punojnë së bashku.
