Një tërmet me magnitudë 5.3 e shkallës rihter është regjistruar mbrëmjen e djeshme në Francën Perëndimore, konkretisht në Rennes, Bordeaux dhe Limoges.
Tërmeti u regjistrua në orën 18:38 me epiqendër pranë komunave Surgères dhe Mauzé-sur-le-Mignon, në gjysmë të rrugës midis La Rochelle dhe Niort.
Thirrje të shumta për zjarrfikësit, të cilët paralajmëruan thirrje për ndihmë “vetëm për nevoja reale”.
Një pasgoditje me magnitudë 5 u ndje më pas në orët e para të mëngjesit të sotëm në Deux-Sèvres.
“Zjarrfikësit janë mobilizuar dhe kryejnë veprime zbulimi, për t’iu përgjigjur thirrjeve dhe për të kontrolluar gjendjen e ndërtesave, veçanërisht ato të dëmtuara gjatë tërmetit të parë”, thuhet në një deklaratë të prefekturës së Deux-Sèvres.
Për momentin nuk ka viktima apo dëme të rënda, por banorët, të pushtuar nga paniku ditën e djeshme, janë këshilluar që të qëndrojnë larg objekteve në rrezik shembjeje.
LEXO EDHE: Tjetër lëkundje sizmike në brigjet e Mesdheut, pse nevojitet Sigurimi nga Tërmeti
Tërmeti i fundit me magnitudë më të madhe se 5 ballë në Francë daton në vitin 2019.
