Aeroporti Ndërkombëtar i Tiranës “Nënë Tereza” kryeson aeroportet e Europës per fluksin e pasagjerëve.
Sipas të dhënave nga këshilli ndërkombëtar i aeroporteve të Europës, Rinasi ka pësuar rritje me 117% në vitin 2023 krahasuar me vitin 2019, përpara pandemisë.
Sipas operatorëve turistikë për këtë fluks kanë ndikuar një sërë faktorësh.
E mbani mend që për të shkuar në Itali apo vendet e europës kishte bileta që shkonin në 300 euro. Futja e linjave të lira ndryshoi situatën. Pastaj kemi parasysh që shqiptarët kanë shumë njerëz jashtë. Dhe shkojnë udhëtojnë. Edhe qytatrët e huaj filluan të vinë në Shqipëri për ta eksploruar si vend i pazbuluar më parë.
Shqipëria pësoi një bum të madh turistik gjatë vitit që lam pas, i cili u mbyll me 10 milionë turistë.
Për vitin 2024 tendencat duket se janë pozitive, pasi në janar mbi 600 mijë pasagjerë u regjistruan në Rinas, duke shënuar një rritje më shumë se 92 mijë udhëtarë krahasuar me janarin e vitit të shkuar.
Aeroporti Ndërkombëtar i Tiranës “Nënë Tereza” është porta më e madhe hyrëse në Shqipëri.
Në vitin 2023 në aeroport u përpunuan 7.26 milionë pasagjerë. Objektivi është që ky rekord të thyhet gjatë 2024 me 8.4 milionë.
