Të paktën 18 persona kanë vdekur në përmbytjet e shkaktuara nga shirat e dendur në provincat e goditura nga tërmeti Sanliurfa dhe Antiyaman të mërkurën, sipas ministrit të Brendshëm të Turqisë , Suleyman Soylu.
Soylu konfirmoi se 16 njerëz vdiqën në Sanliurfa dhe dy në Antiyaman , ndërsa theksoi se furnizimi me ujë do të rikthehet në Sanliurfa të shtunën në mëngjes.
Një kontejner që strehonte një familje prej katër anëtarësh punonjësish të tërmetit në Antiyaman u mor nga një përrua.
Në të njëjtën kohë, në Sanliurfa, përrenjtë e vrullshëm rrënuan gjithçka në rrugën e tyre, përmbytën bodrumet dhe katet përdhese, i kthyen rrugët në lumenj, siç tregohet nga videot e transmetuara nga rrjetet televizive turke.
Drejtoria e Menaxhimit të Fatkeqësive dhe Emergjencave (AFAD) njoftoi se ekipet e shpëtimit me ndihmën e zhytësve janë vendosur për të shpëtuar banorët e bllokuar në zonat e përmbytura, si dhe për të gjetur personat e zhdukur. Ai thekson se më shumë se 100 milimetra shi ranë në provincat e goditura nga tërmeti në Turqinë juglindore në një periudhë 24-orëshe.
