Nga Aeroporti i Prishtinës u nis më 2 gusht të këtij viti, por me të arritur në Bremen të Gjermanisë, avionit të kompanisë ETF Airways dyshohet se i ndodhi diçka e jashtëzakonshme.
Një lepur i hyri në motor dhe sipas drejtorit të firmës kroate, Stjepan Bediq, i shkaktoi dëm të madh fluturakut, duke e lënë jashtë pune, 12 ditë.
“Lepuri kishte ngecur në motor. Ne i kemi bërë një kontroll special, me pajisje speciale. Vendosëm që motori nuk ishte i sigurt dhe instaluam një motor zëvendësues. Për shkak të kësaj. shumë fluturime i anuluam, por ne bëmë më të mirën. Dëmi total ishte 1 milion euro”, tha Bediq, citon Klan Kosova.
Sipas Bediq, lepuri dyshohet të ketë hyrë në pistë e prej këtu brenda në motor të avionit, nga një vrimë e gardhit.
