Nga Shoqata e Siguruesve të Shqipërisë –
Çdo personi të cilit i është shkaktuar një dëm nga përdorimi i mjetit të transportit, brenda territorit të Republikës së Shqipërisë, ka të drejtë të kërkojë dëmshpërblim për humbjet apo dëmtimet e pësuara, të cilat sipas rastit përbëhen nga:
– Dëme ndaj personit.
– Dëme ndaj pronës.
Për të përfituar dëmshpërblimin, pala e dëmtuar ka të drejtën të paraqesë kërkesën për dëmshpërblim dhe dokumentacionin shoqërues tek:
- Shoqëria e sigurimit i pronarit të mjetit të transportit, me të cilin është shkaktuar aksidenti (siguruesi i shkaktarit te aksidentit);
- Byroja Shqiptare e Sigurimit (BSHS), në rast se mjeti i transportit shkaktar i aksidentit, është i pasiguruar, i paidentifikuar apo me regjistrim të huaj dhe me dokument të siguracionit ndërkombëtar.
- Paraqitja e kërkesës për dëmshpërblim mund të bëhet brenda një periudhe prej 2 viteve nga data e ndodhjes së aksidentit. Megjithatë rekomandohet që të njoftoni shoqërinë e sigurimit përgjegjëse sapo të keni mundësi dhe të paraqisni kërkesën për dëmshpërblim.
- Kërkesa për dëmshpërblim duhet të shoqërohet me dokumentacionin e nevojshëm për trajtimin e saj.
- Ne do të vijojmë fushatën informuese për përdoruesit e mjeteve në transport, të cilët kanë detyrim të paisen me kontratën e sigurimit TPL dhe në rast aksidenti, konsiderohen palë e dëmtuar dhe gëzojnë të drejtën e dëmshpërblimit.
- Kujdes❗
Drejtuesi i mjetit motorik është i detyruar që gjatë përdorimit të mjetit të mbajë gjithmonë me vete policën e sigurimit, si dhe ta paraqesë atë sa herë i kërkohet nga personi zyrtar i autorizuar
Në rast aksidenti, të japë të dhënat personale (ID, emër, mbiemër, adresa, nr. Tel) dhe të dhënat që lidhen me sigurimin e detyrueshëm, tek të gjithë personat e përfshirë në aksident, të cilëve mund t’u lindë e drejta të kërkojnë dëmshpërblim.
Shoqëritë e sigurimit/BSHS gjatë administrimit të dhënave personale të subjekteve zbatojnë detyrimet që rrjedhin nga legjislacioni në fuqi “Për mbrojtjen e të dhënave personale”. - Për tu njohur me legjislacionin e zbatueshëm: https://shoqatasiguruesve.al/ligje/?fbclid=IwAR1LnU5cq4yVDLrZZKb8OwSXxyGnF_sQQKnMAspIYAwr-KTK4OBfXaJTxe8