Plazma e personave të shëruar nga Covid-19, për shkak të antitrupave të prodhuara në mënyrë natyrale është efikase në trajtimin e pacientëve me koronavirus.
Studimi më i fundit i publikuar në “Journal of Clinical Investigation” tregon se ka një ulje me 47% të vdekshmërisë kur terapia jepet brenda 3 ditëve të para të shtrimit, ose 29% ulje e vdekshmërisë totale pavarësisht kohës së trajtimit.
Lexo edhe: A e mbulon polica ime e sigurimit Variantin Delta të Coranavirusit?
Pjesë e studimit amerikan janë bërë 3.774 pacientë të trajtuar me plazmë konvaleshente, dhe mbi 10.600 pacientë në grupin e kontrollit me trajtimin standard. Ky lloj trajtimi është pothuajse inegzistent në vendin tonë. Edhe pse të shtruarit në spitalet Covid janë rritur ndjeshëm.
Dhurimet e plazmës konvaleshnte, nga personat e shëruar nga Covid janë të papërfillshme. Pavarësisht se janë mbi 138 mijë persona të shëruar nga koronavirusi, vetëm 0.03 % e tyre kanë dhuruar plazmën kovaleshente për trajtimin e pacientëve rëndë me Covid-19.
“40-50 dhurime të plazmës…por urojmë të shtohen duke qene se dhe situata po përkeqësohet”.
Dhurimi vullnetarë i gjakut ka rënë ndjeshëm për shkak të pandemisë së Covid-19 por edhe të periudhës së verës, duke vënë në vështirësi mbulimin e nevojave për gjak, ndaj mjekët u bëjnë apel qytetarëve për tu dhuruar gjak, që të shpëtojnë jetë.
Klan News
