Kompanitë private të sigurimeve kanë paguar rreth 257 milionë lekë gjatë vitit 2020 vetëm për demet e siguracioneve të jetës.
Referuar të dhënave zyrtare të Autoritetit të Mbikqyrjes Fiananciare, dëmet me vlerë më të lartë janë paguar në prefekturën e Tiranës me afro 219 milionë lekë, e ndjekur nga Durrësi dhe Shkodra.
Dëmet e paguara për jetë debitori , regjistrojnë vlerën më të lartë në krahasim me dëmet e paguara për kategoritë e tjera të sigurimeve, si jeta në grup, jeta e kombinuar, jeta dhe shëndeti në udhëtim, jeta me kursim, etj.
Lexo edhe: Afro 1.2 miliardë lekë për Sigurimin e Jetës në Tiranë, ja kompania që dominon tregun
Kontrata e Sigurimit të Jetës së Debitorit siguron shlyerjen e detyrimit të individëve që kanë marrë kredi në bankat tregtare dhe kanë humbur jetën gjatë periudhës së shlyerjes së kredisë.
Shifra e lartë e dëmeve të paguara për këtë kategori, e cila arrin në 135 milionë lekë në total, është diktuar edhe nga pandemia Covid-19, ku shumë qytetarë të prekur nga virusi kanë humbur jetën.
Sa i takon numrit të dëmeve jetë, sipas prefektuarave, në total numërohen 1867, ndërsa Tirana mban sërish peshën më të madhe.
Numri i dëmeve të paguara vetëm për jetën e debitorit, regjistrohet në 154.
Lexo edhe: Gjeografia e Sigurimeve 2020, sipas prefekturave
