Vdekjet nga Covid dhe shkalla e infeksionit mund të bjerë nën nivelet e gripit sezonal nga mesi i vitit të ardhshëm, duke supozuar se nuk do të shfaqen variante të reja të rrezikshme.
Kështu është shprehur miliarderi Bill Gates.
“Shkalla e vdekshmërisë dhe shkalla e sëmundjes pritet të bjerë me shpejtësi,” theksoi themeluesi i Microsoft në Forumin e Ekonomisë së Re të Bloomberg në Singapor.
Kufizimet për vaksinimin e botës kundër Covid-19 do të ndryshojnë vitin e ardhshëm, tha Gates, pasi problemet e furnizimit do të zgjidhen, megjithëse ato në logjistikën e shpërndarjes do të mbeten.
Administrata e Joe Biden po vë në dispozicion miliarda dollarë për prodhuesit e ilaçeve për të rritur prodhimin kombëtar të vaksinave kundër Covid për t’i ndarë me botën dhe për t’u përgatitur për pandeminë e ardhshme.
Autoriteti i qeverisë për Kërkime dhe Zhvillim të Avancuar Biomjekësor po u kërkon kompanive farmaceutike me një aftësi të provuar për të bërë vaksina mRna që të rrisin prodhimin e tyre.
Shtëpia e Bardhë shpreson se masa do të krijojë kapacitetin për të prodhuar një miliardë doza shtesë në vit. Ndërsa Shtetet e Bashkuara lëvizin drejt dozave të treta për të gjithë të rriturit, kombet më të varfra janë ende në pritje për të administruar të parën.
