Policia e Tiranës ka prangosur një shtetas, i cili ka shkaktuar një aksident në rrugën “Ismail Qemali” në kryeqytet.
Shtetasi me iniciale S. P., banues në Tiranë, sipas njoftimit të policisë, ka aksidentuar te vijat e bardha një 20-vjeçare me inicialet E. M. Shoferi, i cili ka shkaktuar aksidentin, është larguar nga vendi i ngjarjes.
Drejtuesi i mjetit, shtetasi me iniciale S. P., banues në Tiranë, u arrestua pak pas ngjarjes nga policia. Ai akuzohet për veprat penale “Shkelja e rregullave të qarkullimit rrugor”, si dhe “Largim nga vendi i aksidentit”.
20-vjeçarja ndodhet në spital nën kujdesin e mjekëve jashtë rrezikut për jetën.
