Sipas raportit zyrtar të AMF-së, për muajt janar-shkurt 2026, 2-mujori i parë i vitit, në tërësi tregu i sigurimeve u rrit me 3.07% në drejtim të vëllimit të primeve të shkruara bruto: rritje prej 116,792 mijë Lekësh, duke arritur në totalin e 3,927,194,000 Lekë, ose afërsisht 40.8 milionë euro.
Numri i kontratave u rrit me 0.22% krahasuar me të njëjtën periudhë të një viti më parë, 228,358 kontrata u regjistruan në 2 muajt e parë të këtij viti.
Segmenti i jojetës:
Vëllimi i primeve të shkruara bruto në veprimtarinë e Jo-Jetës kapi shifrën 3,563,902 mijë Lekë (ose afërsisht 36.99 milionë euro) duke shënuar një rritje në masën 3.31% krahasuar me 2-mujorin e parë të vitit 2025.
Numri i kontratave në sigurimin e Jo-Jetës kapi shifrën 204,141 duke shënuar një rritje në masën 0.07% krahasuar me 2-mujorëshin e parë 2025.
Segmenti i jetës:
Vëllimi i primeve të shkruara bruto në veprimtarinë e Jetës kapi shifrën 363,235 mijë Lekë duke shënuar një rritje në masën 1.13 % krahasuar me 2 muajt e parë të vitit 2025.
3.77 milionë euro afërsisht regjistrohen si prime të shkruara bruto në segmentin e jetës.
Numri i kontratave në sigurimin e Jetës arriti në 24,214 duke shënuar një rritje në masën 1.51 % krahasuar me janar-shkurt 2025.
Dëme të paguara:
Gjatë periudhës Janar – Shkurt 2026 janë paguar gjithsej 1,376,983 mijë lekë dëme ose 8.50 % më shumë se në të njëjtën periudhë të vitit paraardhës, 2025.
Numri i dëmeve të paguara në Janar – Shkurt 2026 është rritur me 688 deme dhe arriti shifrën 12,799 nga të cilat 12,123 dëme janë paguar nga shoqëritë e sigurimit të Jo-Jetës, 676 nga shoqëritë e sigurimit të Jetës .
