Drejtoria e Përgjithshme e Tatimeve komunikoi zyrtarisht atë që e quajti “risia fiskale nr.2”.
Drejtoria i komunikoi publikut zyrtarisht lehtësinë fiskale për kontributet në fondet e pensionit vullnetar, me rregulla më të qarta për mënyrën e pagesës dhe dokumentimin.
Sipas informacionit publik, kontributet deri në 50,000 lekë në muaj përfitojnë trajtim të favorshëm fiskal si për punëmarrësin, ashtu edhe për punëdhënësin.
Nëse kontributi për punonjësin paguhet nga punëdhënësi, ai do të njihet si shpenzim i zbritshëm.
Për dokumentimin e pagesës, punëdhënësi duhet të disponojë: kontratën me fondin e pensionit vullnetar, dokumentacionin e pagesave të kryera për çdo punonjës dhe kontratën e individit dhe vërtetimin vjetor të pagesave të kryera nga vetë ai.
