Kompania e sigurimeve ConTe.it ka rinovuar për të dytën herë partneritetin me Federatën Italiane të Futbollit (FIGC), duke mbetur Partner Zyrtar i Kombëtareve Italiane.
Për arbitrat italianë të futbollit kujdeset një tjetër kompani sigurimesh, Net Insurance. Më herët FIGC ka patur kontratë edhe me COMPASS.
FIGC, Federata Italiane e Futbollit, e njeh mirë rëndësinë strategjike të të bashkëpunuarit me aktorë gjigantë vendorë të sigurimeve.
Sa i takon ConTe.it, pas një bashkëpunimi trevjeçar që kulmoi me fitoren në Kampionatin Europian, vendosën që mbështetja për të gjitha kombëtaret – meshkuj, femra dhe U21 – të vijojë si sponsori zyrtar për sigurimet e makinave dhe motorëve.
Marrëveshja mes këtyre palëve përfshiu pozicionimin e dukshëm të markës në stadiume dhe zona intervistash, si dhe aktivitete promovuese për tifozët.
Kampionati i dashur për shqiptarët, Seria “A”
Në sezonin 2025/2026, një panoramë e plotë tregon se 14 nga 20 skuadrat e Serie A në Itali kanë partneritete aktive me kompani sigurimesh, duke reflektuar një lidhje të fortë mes industrisë së sigurimeve dhe futbollit profesionist.
Këto partneritete variojnë nga emërtimi i stadiumeve dhe sponsorizimet në fanella, deri te marrëveshjet strategjike të furnizimit dhe mbështetjes financiare apo komerciale.
Konkretisht, këto janë skuadrat dhe kompanitë përkatëse:
Lacioja me Groupama Assicurazioni si Premium Partner;
Fiorentina me Cattolica Assicurazioni si Partner Zyrtar;
Roma me HDI (dhe më herët Natalucci and Partners);
Juventus me Allianz, që mban edhe emrin e stadiumit, më herët për 20 vjet Juventusi ka bashkëpunuar me Willis;
Bolonja dhe Atalanta me AON;
Milani me SARA Assicurazioni (dhe më herët WEFOX);
Interi me WTW;
Komo 1907 me partneritet aktiv Crédit Agricole Italia, pas përvojës me AON;
Udinezja më herët ka patur Benpower dhe Groupama;
Xhenoa po ashtu me Groupama si Premium Partner;
Kaljari me UNIPOL;
Piza me Cavarretta Assicurazioni.
Ndër skuadrat e mëdha vetëm Napoli nuk ka nënshkruar një partneritet, por deri në nisjen e sezonit mbetet ende kohë.
Kjo lidhje e gjerë dëshmon për rëndësinë që ka tregu i sigurimeve në mbështetjen e sportit italian dhe forcimin e lidhjeve me tifozët dhe komunitetin.
LEXO EDHE: https://sigurime.online/gjigante-sigurimesh-qe-shkruan-historine-me-mancester-junajtidin/
