Mërzitja është një reagim që kalon shpesh, por ajo ndryshon kryekëput nga depresioni.
Ky i fundit është një sëmundje mjekësore që shfaqet me disa simptoma të cilat ndikojnë në mënyrën e të menduarit, ndjenjave dhe përballjes me aktivitetet ditore. Këtu përfshihet edhe gjumi, ushqyerja apo puna.
Depresioni është më i përhapur te gratë se te burrat, për shkak të disa faktorëve biologjikë, hormonalë dhe socialë që prekin gratë.
5 gjëra shumë të rëndësishme që duhet të dini patjetër për depresionin që prek gratë.
Simptomat e depresionit mund të ndërhyjnë negativisht tek aftësia e grave për të punuar, fjetur, ngrënë dhe shijuar jetën. Shkaqet e depresionit janë ende të panjohura por ka disa studime që sugjerojnë se kjo sëmundje shkaktohet si pasojë e një kombinimi faktorësh genetikë, biologjikë, mjedisorë dhe fiziologjikë. Shumica e njerëzve të prekur nga depresioni kanë nevojë për trajtim mjekësor që të shërohen.
Depresioni duhet marrë seriozisht
Miqtë dhe familjarët e të prekurve me depresion mund ta mendojnë si një problem nga i cili mund ta mbledhësh veten.
Depresioni nuk shërohet vetëm duke qenë pozitivë apo duke u përpjekur fort për të qenë të lumtur.
Depresioni nuk është shenjë dobësie e një personi apo një e metë e karakterit.
Njerëzit që vuajnë nga depresioni kanë nevojë për trajtim mjekësor. Pacientët që vuajnë nga depresioni kanë nevojë për mbështetje emocionale, mirëkuptim, durim dhe kurajë. Ndjenjat e tyre nuk duhen anashkaluar.
Depresioni kalohet vetëm me trajtim mjekësor
Nëse mendoni se vuani nga depresioni, është e udhës të vizitoheni te një mjek dhe të mos bëni vetëdiagnostikim. Ndonjëherë, disa medikamente dhe disa sëmundje siç janë ato të tiroides mund të shfaqen me simptoma të ngjashme me depresionin. Një vizitë te mjeku mund të shmangë çdo konfuzion të mundshëm. Sipas të dhënave, depresioni është një sëmundje që shërohet vetëm më trajtim mjekësor.
Depresioni dhemb
Mërzia dhe trishtimi mund të jenë pjesëza të vogla të depresionit. Por në të vërtetë, njerëzit e depresionuar nuk janë të mërzitur. Ato përjetojnë simptoma fizike si dhimbjet e ndryshme, kontraktimet apo problemet me oreksin dhe tretjen. Një person që vuan nga depresioni has probleme me gjumin dhe zgjimin dhe ndihet gjithnjë i lodhur. Nëse keni përjetuar simptoma e mëposhtme për të paktën 2 javë, atëherë ndoshta mund të jeni prekur nga depresioni.
Ndjesi ankthi ose boshllëku. Ndjesia e të qenit të pashpresë ose pesimistë. Acarim. Ndjenjë faji, braktisjeje dhe të qenit pa vlerë. Mungesë energjie dhe lodhje. Vështirësi në fjetje, zgjim ose fjetje për orë të gjata. Humbje interesi për aktivitetet e pëlqyera më parë
Vështirësi në përqendrim, kujtesë apo vendimmarrje. Ndryshime në oreks. Mendime që kanë të bëjnë me vetëvrasjen ose vdekjen. Dhimbje të ndryshme trupore pa ndonjë shkak fizik. Është shumë e rëndësishme që gjatë takimit me mjekun të jeni të sinqertë, të qartë dhe të përpiktë në mënyrë që të merrni trajtimin e duhur.
Depresioni është i kurueshëm
Depresioni mund të kurohet me medikamente dhe terapi me psikiatrin. Nëse këto dy trajtime nuk funksionojnë atëherë njeriu ka nevojë për trajtime të tjera që stimulojnë trurin.
