Në një konsultim publik, Ministria e Ekonomisë dhe Financave në Greqi prezantoi projektligjin i cili aktivizon një sistem të ri kontrollesh elektronike, duke përdorur baza të ndryshme të dhënash shtetërore, për të identifikuar ndër të tjera edhe automjetet e pasiguruara.
Sipas parashikimeve të ligjit, auditimet do të kryhen çdo 6 muaj nga Sekretariati i Përgjithshëm i Sistemeve të Informacionit, me kontroll elektronik të të dhënave nga bazat e të dhënave:
– Ministritë e Infrastrukturës dhe Transportit, të Mbrojtjes së Qytetarit, të Brendshme dhe të Emigracionit dhe Azilit,
– Shoqata e Siguruesve,
– Regjistri i Mjeteve të Siguruara,
– Regjistri i Menaxhimit Alternativ të Automjeteve të Greqisë,
– Regjistri i TAXISnet.
Lidhur me gjobat në momentin që automjeti konstatohet i pasiguruar, ato parashikohen të jenë:
– 1000 euro për autobusë dhe kamionë,
– 500 euro për makina pasagjerësh dhe mjete të tjera të çdo natyre,
– 250 euro për motocikletat.
