Raporti më i fundit nga AMF, mbi ecurinë e tregut të sigurimeve në Shqipëri për muajt janar-shkurt 2024, përveç se ritregoi dominancën e SIGAL UNIQA Group Austria si lidere në treg, nxorri në pah një tjetër element: besimin në rritje të shqiptarëve ndaj kësaj kompanie kryesisht në Sigurimet e Shëndetit.
Produket më novatore në treg duket se kanë ndikuar tek qytetarët për t’ja besuar pikërisht SIGAL UNIQA-s shëndetin e tyre.
Në Sigurimin “Aksidente dhe Shëndeti”, kompania shqiptaro-austriake, përveç se më e madhja dhe më e besuara në treg, shënon edhe një rritje domethënëse krahasuar me të njëjtën periudhë të një viti më parë.
Nëse në janar-shkurt 2023, zinte 45,6% të tregut, në janar-shkurt 2024 SIGAL UNIQA zë 56% të tregut ku operojnë 8 kompani.
PRIMET NË SIGURIMIN “AKSIDENTET DHE SHËNDETI”
Edhe sa i përket dëmeve të paguara gjatë dy muajve të parë të vitit, SIGAL UNIQA Group Austria ruan vendin e parë me 44% të totalit të dëmshpërblimeve.
Nëse 8 kompanitë së bashku kanë paguar 99,9 milionë lekë dëmshpërblime, SIGAL UNIQA ka paguar e vetme afro 44 milionë lekë.
DËMET E PAGUARA NË SIGURIMIN “AKSIDENTET DHE SHËNDETI”
Edhe në Sigurimin Privat të Shëndetit, SIGAL UNIQA vijon të ruajë lidershipin në treg.
Sipas raportit të AMF, ajo zë mbi 50% të tregut teksa një vit më parë zinte 43,4% të tij.
PRIMET NË SIGURIMIN PRIVAT TË SHËNDETIT
Edhe sa i përket dëmeve të paguara, edhe në këtë klasë sigurimi, SIGAL UNIQA qëndron në krye duke paguar rreth 44% të totalit të dëmshpërblimeve.
DËMET E PAGUARA NË SIGURIMIN PRIVAT TË SHËNDETIT
SIGAL UNIQA, prej 25 vitesh aktive në tregun e sigurimeve, ofron paketa sigurimi individuale dhe familjare, të cilat mundësojnë mbulimin e ekzaminimeve shëndetësore duke filluar nga check up-i rutinë vjetor; shpenzimet në rast ndjekje të shtatzanisë dhe trajtimet mjekësore në rast sëmundje apo aksidenti në klinikat dhe spitalet më të mira brenda dhe jashtë Shqipërisë.
