Raportet e fundit sugjerojnë se investimet në “Inteligjencën Artificiale” parashikohen të afrohen 200 miliardë dollarë në nivel global deri në vitin 2025, me vendet që konkurrojnë për të shijuar përfitimet që ka inteligjenca artificiale në produktivitet dhe ekonomi.
Por, cilat janë vendet që kanë investuar më shumë në AI midis 2019 dhe 2023?
Gjetjet kryesore: Shtetet e Bashkuara investojnë më së shumti në AI, me një total prej 328,548 milionë dollarësh të shpenzuar në pesë vitet e fundit.
Kur shikohet investimi në raport me produktin e përgjithshëm ekonomik të vendit (GDP), Singapori kryeson në shpenzimet e AI, me 15,01 dollarë për çdo mijë dollarë të GDP, 16% më shumë se investimi i SHBA-së (për mijë dollarë GDP).
Kina renditet e dyta me 132,665 milionë dollarë të shpenzuara për AI midis 2019 dhe 2023, rreth 60% më pak se Shtetet e Bashkuara.
Në vendin e tretë është Mbretëria e Bashkuar me një investim prej 25,541 milionë dollarësh gjatë të njëjtës periudhë, pothuajse 13 herë më pak se SHBA-ja në krahasim.
Vendi tjetër gjigant i teknologjisë në Azi, India, renditet në vendin e katërt me një investim prej 16,147 milionë dollarësh në AI në pesë vitet e fundit. Vendi tejkalon Gjermaninë, e cila renditet e pesta me gati 13% (1,847 milionë dollarë).
Vendi me rritjen më të madhe në investimet e AI në pesë vitet e fundit është Suedia.
