Sipas Karen Clark & Company, humbjet e siguruara nga tërmeti me magnitudë 7.5 ballë që goditi bregun perëndimor të ishullit Honshu në Japoni, do të kapë shifrën e 6.4 miliardë dollarëve, me humbjet e banesave që përbëjnë mbi 2/3-at e totalit.
“Disa qytete dhe qyteza përjetuan lëvizje shumë të forta, duke përfshirë Shika, Nanao, Wajima, Suzu, Anamizu dhe Noto”, thotë KCC.
Ishte tërmeti më i madh që nga viti 2015 dhe më vdekjeprurësi në vend që nga viti 2016.
“Shtëpitë Machiya përbëjnë më shumë se një të tretën e inventarit të banesave në prefekturën Ishikawa dhe ato mund të jenë veçanërisht të prekshme gjatë tërmeteve sepse muret e tyre të rënda prej dheu, ndërtimi tradicional i drurit dhe çatitë me pllaka janë më të prirura për t’u shembur sesa materialet moderne. si çeliku dhe betoni”.
Kompania vëren gjithashtu se shtrirja e gjatë e ngushtë e shtëpive Machiya mund t’i bëjë strukturat më të ndjeshme ndaj forcave anësore gjatë lëkundjeve të forta.
“Shumica e ndërtesave të mbetura të banimit janë ndërtesa prej druri, 1 dhe 2-katëshe. Këto ndërtesa kanë rezistencë më të mirë ndaj tërmeteve sesa ndërtesat Machiya sepse ato kanë korniza druri të përforcuara pjesërisht nga metali i lehtë dhe parashikohet të kenë pësuar nivele më të ulëta dëmtimi. Megjithatë, në zonat me lëvizje të forta të tokës, këto ndërtesa prej druri mund të dëmtohen rëndë”.
“Mosha gjithashtu luan një rol. Në të gjithë Ishikawa, një e treta e të gjitha ndërtesave të banimit datojnë para vitit 1981. Ndërtesat tregtare dhe industriale në qytetet e prekura janë kryesisht ndërtime çeliku, të cilat kanë rezistencë dukshëm më të lartë ndaj tërmeteve. Humbjet e pronave të banimit pritet të tejkalojnë ato të pronave komerciale dhe industriale”.
Deri tani, si pasojë e tërmetit, numërohen mbi 90 viktima dhe mbi 240 të zhdukur me numrin që pritet të rritet në orët dhe ditët në vazhdim.
LEXO EDHE: Tërmet në Shqipëri, lëkundjet ndihen deri në Pejë/ Sigurimi i Pronës investim, jo shpenzim
