6.5 C
Tirana
Saturday, December 3, 2022
spot_img
Faqe KryesoreLajmeAktualitetZbulohen raste të variantit të ri “Mu” të koronavirusit në Greqi

Zbulohen raste të variantit të ri “Mu” të koronavirusit në Greqi

Autoritetet shëndetësore greke njoftuan të enjten se të paktën gjashtë raste të variantit të ri Mu të koronavirusit u zbuluan në vend.

Sipas Organizatës Kombëtare të Shëndetit Publik (EODY), rastet u zbuluan në aeroportin ndërkombëtar të Athinës dhe në rajonet Argolis, Attica dhe Achaia.

Megjithëse varianti Delta është ende dominues në Greqi, zbulimi i rasteve të variantit Mu është një dukuri shqetësuese.

Organizata Botërore e Shëndetësisë (OBSH) tha të mërkurën se po monitoron variantin Mu, i cili u identifikua për herë të parë në Kolumbi, në janar të vitit 2021.

Varianti Mu i koronavirusit, i njohur shkencërisht si B.1.621, mund të jetë rezistent ndaj vaksinave.

Lexo edhe: Covid-19/ Çfarë dimë për variantin Mu?

OBSH tha se varianti ka mutacione që tregojnë një rrezik të rezistencës ndaj vaksinave dhe theksoi se duheshin studime të mëtejshme për ta kuptuar atë më mirë.

OBSH deklaroi se “që nga identifikimi i parë i këtij varianti në Kolumbi në janar 2021, ka pasur disa raporte sporadike të rasteve të variantit Mu dhe disa përhapje më të mëdha janë raportuar nga vende të tjera në Amerikën e Jugut dhe në Europë.

“Edhe pse prania globale e variantit Mu ka rënë dhe aktualisht është nën 0.1%, prania e tij në Kolumbi (39%) dhe Ekuador (13%) është rritur vazhdimisht.

Greqia konfirmoi të enjten 33 vdekje nga koronavirusi

Greqia konfirmoi 2,840 infeksione të reja të enjten, ku 10 prej tyre u identifikuan në pikat kufitare në vend.

Që kur filloi pandemia, Greqia ka konfirmuar 593,668 infeksione. Në rastet e konfirmuara të 7 ditëve të fundit, 173 infeksione lidhen me udhëtimet nga jashtë dhe 1,456 me raste të tjera të konfirmuara.

Janë regjistruar 33 vdekje në 24 orët e fundit, duke e çuar numrin e përgjithshëm të viktimave të pandemisë në 13,777. Nga këto, 95.3 përqind vuanin nga një sëmundje para-ekzistuese dhe/ose ishin të moshës 70 vjeç e lart.

Gjithsej 362 pacientë janë në kujdes intensiv në spitale. Mosha mesatare e tyre është 64 vjeç dhe 83.4 përqind kanë një sëmundje para-ekzistuese dhe/ose janë të moshës 70 vjeç e lart. Nga 362 pacientë, 332 (91.71 përqind) janë të pavaksinuar ose pjesërisht të vaksinuar dhe 30 (8.29 përqind) janë plotësisht të vaksinuar.

2,988 të tjerë kanë dalë nga kujdesi intensiv që kur filloi pandemia.

Për më tepër, 232 pacientë me Covid-19 u shtruan në spital në 24 orët e fundit. Pranimi mesatar i pacientëve me Covid-19 në spitale gjatë 7 ditëve të fundit ishte 252.

Mosha mesatare e infeksioneve të reja është 39 vjet, ndërsa mosha mesatare e të vdekurve është 78 (diapazoni: 0.2 deri në 106 vjet).

/Greek Reporter

spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

REKLAME

spot_img

Me te lexuarat