Sekretari i Përgjithshëm i OECD-së, Mathias Cormann deklaroi se prespektivat ekonomike globale premtojnë më shumë përgjatë vitit 2023.
Gjithsesi sfidat e krijuara nga inflacioni nuk pritet të zhduken.
Nga ana tjetër, çmimet e energjisë kanë rënë ndjeshëm duke qenë se Evropa ishte në gjendje të diversifikonte me sukses burimet e saj të energjisë. Përveç kësaj, dimri që kaluam ndihmoi në reduktimin e kërkesës për energji, duke mundësuar çmim të ulët të gazit.
OECD përgjatë muajit nëntor tha se lufta e agresionit rus ndaj Ukrainës ka provokuar një goditje masive të çmimit të energjisë që nuk ishte parë që prej vitit 1970.
Ekonomia globale parashikohet të rritet shumë se rezultatet e pritura para luftës, me një 3.1% në vitin 2022, përpara se të ngadalësohet në 2.2% në 2023 dhe të rikuperohet mesatarisht në një ritëm ende nën 2.7% në 2024.
Ekonomitë aziatike të tregjeve në zhvillim pritet të përbëjnë afërsisht ¾ e arritjes së PBB-së globale për vitin 2023, ndërkohë që Evropa dhe SHBA do të ngadalësohen ndjeshëm.
Rreziqet e inflacionit
Inflacioni do të vazhdojë duke kërkuar edhe një trajtim profesional. Rezerva Federale e SHBA-së ndërmori veprim agresiv vitin e kaluar në drejtim të rritjes së normave të interesit për të frenuar presionet e rritjes së çmimeve.
Në fillim të shkurtit, banka qendrore e SHBA rriti normën e saj bazë të interesit me një çerek pikë përqindjeje.
