16.5 C
Tirana
Friday, March 29, 2024
spot_img
Faqe KryesoreLajmeAktualitetTërmetet – Shoqëritë e Sigurimeve apel qytetarëve për Sigurimin e Pronës dhe...

Tërmetet – Shoqëritë e Sigurimeve apel qytetarëve për Sigurimin e Pronës dhe Jetës

Shqipëria mbetet një zonë me aktivitet sizmik të ndjeshëm, e kjo është vërtetuar edhe nga lëkundjet e fuqishme që janë regjistruar vitet e fundit.

Pas plot 2 viteve nga tërmeti i 21 shtatorit, ku lëkundjet arritën deri në madhësinë 5.2 ballë, ringritja nga pasojat që la pas vijojnë ende. Tërmeti nuk kaloi pa dëme qoftë në njerëz apo edhe në banesa e biznese. Në atë kohë autoritetet përkatëse raportonin për 108 qytetarë të plagosur, të cilët janë mjekuar në ambientet e spitaleve rreth zonave të prekura dhe për 563 banesa të dëmtuara. Ndërkaq rreth 28 pallate pësuan plasaritje, por pa rrezik shembje.

E njëjta problematikë natyrore ka gjasë që të përsëritet sërish, ndaj lind nevoja që jeta, shëndeti juaj, por edhe pronat si banesat dhe bizneset të jenë të siguruara për rastet e katastrofave natyrore.

Këto ditë janë regjistruar lëkundje të tjera tërmeti të cilat kanë alarmuar qytetarët e zonave ku janë ndjerë këto lëkundje. Sipas informacioneve, lëkundjet ishin të një magnitude 3.9, me epiqendër në verilindje të kryeqytetit. Ende nuk raportohen dëme materiale apo dëme në njerëz.

Kompanitë në tregun e sigurimeve në Shqipëri, kanë dëmshpërblyer qytetarët e prekur nga dy tërmetet e vititi 2019 dhe do të paguanin më tepër nëse do të kishte më shumë prona të siguruara. Gjatë kësaj kohe u rrit edhe interesi për sigurimin me vlerën reale të pronës, gjë që bëri që qytetarët të orientohen drejt sigurimit të banesave apo bizneseve të tyre.

Në fakt vetë qenia njerëzore e ka në ndërtimin e vet që të harrojë një ngjarje pasi ajo kalon. E njëjta gjë ndodh edhe me fatkeqësitë natyrore, në këtë rast tërmetet. Pasi gjithçka qetësohet, qetësohemi edhe ne me shpresën dhe besimin që nuk do të përsëritet më. Por fakti që potenciali i këtyre fatkeqësive për të shkatërruar çdo gjë që i del përpara, i bën ato më mistërioze, rrit nevojën për të lëvizur më shumë në sigurimin e jetës.

Përse është i nevojshëm sigurimi nga tërmetet?

Potenciali i tërmeteve për shkatërrim katastrofik i bën ato intriguese dhe misterioze, veçanërisht duke qenë se ne nuk kemi asnjë mënyrë për t’i parashikuar se kur ato do të ndodhin. Përtej tërmeteve të mëdha që mund të marrin vëmendje ndërkombëtare dhe kombëtare, shumë tërmete të vogla, kalojnë pa raportime të bujshme, por që i kanë shkaktuar dëme të mëdha pronarëve nëpër të gjithë Shqipërinë.

Kur flasim për mbrojtjen e shtëpisë suaj dhe të pasurive personale nga tërmeti, ju duhet të kërkoni mbulimin nga humbja që i shkaktohet ndërtesës dhe pajisjeve shtëpiake.

Sigurimi nga tërmeti nuk është i detyrueshëm, por në varësi të zonës se ku jetoni, ju mund të jeni të rrezikuar nga dëmtimi i pariparueshëm. Nëse do të shikojmë statistikat, vetëm 2% e shqiptarëve blejnë sigurim nga tërmeti dhe sepse njerëzit mendojnë se nuk do t’u ndodhë atyre. Ose në rastin kur kanë një policë standarde sigurimi, ata gabimisht mendojnë se kjo policë do t’i mbulojë gjithashtu edhe nga dëmtimi nga tërmeti.

Nëse ju nuk keni para të lëna mënjanë për rindërtimin e shtëpisë suaj, riblerjen e sendeve tuaja personale, dhe të paguani për kostot e përkohshme të jetesës, padyshim që ju duhet të blini policën e sigurimit nga tërmeti. Mos harroni, ky buxhet do të jetë plus parave që ju do të paguani për kredinë tuaj, edhe nëse shtëpia juaj është shkatërruar plotësisht.

Çfarë është sigurimi nga tërmetet?

Sigurimi nga tërmeti ju rimburson për dëmin e shkaktuar nga tërmeti, për dëmet e shkaktuara shtëpisë dhe pasurisë suaj personale. Mbulimi nga tërmeti është i disponueshëm si një mbulim shtesë i policës së shtëpisë suaj nga Zjarri, ose ju mund ta blini atë nga një sigurues i specializuar për shitjen e mbulimit të sigurimit për tërmetin.
Një tërmet është një dridhje e thellë e sipërfaqes së tokës, e shkaktuar nga fraktura në tokë, të cilat mund të jenë shkatërruese ndaj strukturës së shtëpisë dhe që mund të preke të gjithë pronën tuaj.

Shumica e popullsisë dhe vendbanimeve shqiptare janë të rrezikuara nga tërmetet dhe rrëshqitjet e tokës duke e klasifikuar Shqipërinë si vatër aktive të tërmeteve me periudhë përsëritje çdo 2 vjet.

Kosto potenciale e dëmeve të lidhura me tërmetet është rritur në mënyrë të qëndrueshme për ndërtesat më të vjetra, dhe shumë zona urbane po dalin si zona që janë në risk të lartë për t’u goditur nga tërmetet.

KËTO KËMBANA DUHEN DËGJUAR!!!

Lexo edhe: Tjetër tërmet i fortë, në Lezhë qytetarët dalin në rrugë! Nevoja emergjente për sigurimin e shtëpive

spot_img

PËRGJIGJU

Ju lutemi shkruani komentin tuaj!
Ju lutem shkruani emrin tuaj këtu

REKLAME

spot_img

Me te lexuarat