Sipas të dhënave më të fundit të Eurostat për vitin 2024, udhëtimet turistike vazhdojnë të jenë pjesë e jetës së përditshme të evropianëve. Gati 249 milionë qytetarë të Bashkimit Evropian, ose 65% e popullsisë mbi 15 vjeç, realizuan të paktën një udhëtim turistik gjatë vitit, duke shënuar rreth 5.7 milionë turistë më shumë krahasuar me vitin 2023. Rritja ishte veçanërisht e dukshme edhe te udhëtimet jashtë vendit, të cilat u shtuan me 6.8% në nivel europian.
Ky trend tregon se udhëtimi është kthyer në një pjesë të rëndësishme të jetës, qoftë për pushime, punë, studime apo vizita familjare. Megjithatë, krahas planifikimit të destinacionit, rezervimeve dhe dokumenteve të udhëtimit, ekziston një element që shpesh neglizhohet: mbrojtja financiare ndaj emergjencave shëndetësore.
Një aksident i papritur, një sëmundje akute apo nevoja për trajtim urgjent në një shtet të huaj mund ta shndërrojnë një udhëtim të zakonshëm në një situatë me kosto shumë të larta. Pikërisht për këto raste shërben Sigurimi i Shëndetit në Udhëtim i SIGAL.
Polica është krijuar për të mbuluar shpenzimet e arsyeshme dhe të nevojshme të emergjencave mjekësore, si edhe shpenzimet e riatdhesimit, kur këto lindin si pasojë e një aksidenti ose një sëmundjeje të papritur gjatë qëndrimit jashtë territorit të Shqipërisë, brenda periudhës së vlefshmërisë së policës dhe deri në limitin e zgjedhur të mbulimit.
Në praktikë, kjo do të thotë se nëse gjatë udhëtimit kërkohet trajtim urgjent nga një mjek, specialist apo spital, shpenzimet mund të mbulohen sipas kushteve të policës. Mbulimi realizohet me përqindje të ndryshme në varësi të vlerës së shpenzimeve:
- deri në 200 euro, mbulimi është 100%;
- nga 201 deri në 1 000 euro, mbulohen 90% e shpenzimeve;
- nga 1 001 deri në 2 000 euro, mbulohen 80%;
- për shpenzimet mbi 2 001 euro, mbulohen 70%, gjithmonë brenda limitit maksimal të zgjedhur në policë.
Po aq e rëndësishme është të njihen edhe kushtet e përdorimit të sigurimit. Polica mbulon vetëm emergjencat mjekësore të papritura, jo trajtimet e planifikuara apo sëmundjet para-ekzistuese. Gjithashtu, sigurimi nuk mbulon shpenzimet e kryera në Shqipëri, trajtimet rutinë, kontrollet periodike, ndërhyrjet estetike, shtatzëninë normale, si dhe një sërë rastesh të tjera të përcaktuara në kushtet e policës.
Në rast shtrimi në spital gjatë udhëtimit, është e rëndësishme që siguruesi të njoftohet brenda 48 orëve nga pranimi. Gjithashtu, i siguruari duhet të ruajë dokumentacionin origjinal mjekësor dhe faturat, pasi ato janë të nevojshme për procedurën e dëmshpërblimit. Në disa raste, nëse spitali merr paraprakisht konfirmimin me shkrim nga SIGAL, pagesa mund të kryhet drejtpërdrejt ndaj institucionit shëndetësor.
Një tjetër aspekt që qytetarët duhet të kenë parasysh është se sigurimi është i vlefshëm vetëm nëse polica është lëshuar kur personi ndodhet në territorin e Republikës së Shqipërisë, si dhe për udhëtime jashtë vendit të shtetësisë ose rezidencës së përhershme të të siguruarit.
Rritja e numrit të udhëtimeve në Europë tregon se gjithnjë e më shumë njerëz zgjedhin të eksplorojnë vende të reja. Por, ashtu siç askush nuk planifikon të ketë një emergjencë mjekësore gjatë pushimeve, askush nuk mund ta përjashtojë plotësisht një situatë të tillë. Për këtë arsye, sigurimi i shëndetit në udhëtim nuk është thjesht një formalitet, por një mbështetje financiare dhe praktike që mund të bëjë një ndryshim të madh kur ndodh e papritura.
Para nisjes së çdo udhëtimi jashtë Shqipërisë, ia vlen të kontrolloni që, përveç pasaportës dhe biletës, të keni edhe një Sigurim Shëndeti në Udhëtim, në mënyrë që vëmendja juaj të mbetet te përvoja e udhëtimit dhe jo te kostot e një emergjence të papritur.
