Prag tragjedie në Shkodër, pasi është rrëzuar mbikalimi i këmbësorëve në hyrje të qytetit, në lagjen “Bahçallëk”.
Nga raportimet e para fatmirësisht mësohet se nuk ka të lënduar në njerëz, por vetëm dëme material.
Njoftimi i Policisë Shkodër – Informacion paraprak
Rreth orës 12:00, është shembur pjesërisht mbikalimi i këmbësorëve, në vendin e quajtur “Ura e Bahçallëkut”.
Në momentin e shembjes, nuk ka patur në lëvizje automjete dhe as këmbësorë.
Në vendngjarje janë shërbimet e Policisë, shërbimet e zjarrfikëses dhe të Entit Pronar të Rrugës, të cilët po punojnë për hapjen e rrugës.
Grupi hetimor ndodhet në vendngjarje dhe nën drejtimin e Prokurorisë, po punon për zbardhjen e shkakut të shembjes së mbikalimit.
