Banorët e Hong Kongut nuk mund të mburren më me jetëgjatësinë më të lartë në botë, duke ia dorëzuar kurorën Japonisë.
Gratë në Hong Kong pritej të jetonin mesatarisht 86.8 vjet në vitin 2022, krahasuar me 87.1 për homologet e tyre japoneze, sipas statistikave të publikuara këtë javë.
Jetëgjatësia për burrat në qendrën financiare aziatike ishte 80.7 vite, e njëjtë si në Singapor, por më e shkurtër se Suedia, Japonia dhe Norvegjia.
Për vite me radhë, Hong Kongu kryesonte vazhdimisht sondazhet globale të jetëgjatësisë, që nga momenti kur kaloi Japoninë në fillim të viteve 2000. Por, banorët po bëhen gjithnjë e më të stresuar, me shëndetin fizik dhe mendor që po përkeqësohet vitet e fundit mes trazirave sociale dhe pandemisë.
Në një sondazh të fundit nga ofruesi i sigurimeve Cigna Group, banorët e Hong Kongut raportuan nivelet më të ulëta të mirëqenies fizike, mendore, sociale dhe profesionale midis 12 tregjeve, duke përfshirë SHBA-në, Britaninë e Madhe, Kinën kontinentale dhe Singaporin.
Stresi kryesor në qytet përfshinte koston e lartë të jetesës dhe pasigurinë për të ardhmen. Shkalla e vdekjeve të qytetit nga COVID-19 ishte në një moment më e larta në botë.
LEXO EDHE: Parandalimi i sëmundjeve/ Si na shërben “CHECK UP-i sipas Protokollit Japonez”
