Zgjidhja online e dëmeve për të gjitha llojet e sigurimeve të detyrueshme dhe një procedurë e thjeshtuar për marrjen e dëmshpërblimit do të futet në vitin 2024 me synimin për ta bërë procesin e sigurimit më të thjeshtë dhe më transparent, shkruan Allinsurance.kz duke iu referuar Agjencisë për Rregullimin dhe Zhvillimin e Tregut Financiar.
Teksa sot pagesa e kompensimit zgjat mesatarisht 92 ditë, gjatë vitit të ardhshëm parashikohet që pagesa të bëhet brenda 6 ditëve pune, duke përfshirë 3 ditë për vlerësimin e dëmit.
Në raport, ndër të tjera thuhet se, përdorimi i teknologjive dixhitale do të bëjë të mundur optimizimin dhe automatizimin e të gjitha proceseve të biznesit të sigurimeve, gjë që do të rrisë përfundimisht mbulimin e popullsisë me produkte sigurimesh, do të përmirësojë disponueshmërinë dhe cilësinë e shërbimeve dhe do të reduktojë ndjeshëm numrin e proceseve gjyqësore.
