Kursi i këmbimit Euro-Lek shënoi një tjetër rritje të fortë ditën e enjte.
Sipas kursit zyrtar të këmbimit, monedha europiane këmbehet me 103.9 lekë, në rritje me krahasuar me ditën e djeshme.
Agjentët e tregut shprehen se të gjitha bankat tregtare kanë dalë në blerje të valutës, duke shtuar kërkesën dhe duke e rritur kursin me ritme të larta.
Ekspertët besojnë se kjo situatë është tipike e kërkesave në vlera të mëdha nga klientë korporativë. Bankat po blejnë valutë për të përmbushur këtë kërkesë ose për të mbyllur pozicionet nga shitjet në vlera të mëdha të realizuara.
