Vijon ndikimi i masave te ftohta polare në vend duke bërë që moti të jetë i kthjellët në bregdet dhe zonat e ulëta por kthjellime dhe vranësira të lehta do të ketë në zonat malore.
Sipas MeteoAlb, orët e pasdites mbeten me kthjellime dhe vranësira të shpeshta në të gjithë vendin.
Ky stabilitet i atmosferës pritet të na shoqërojë gjatë natës dhe mëngjesin pas-ardhës.
Temperaturat e ajrit do të mbeten sërish të ulëta në mëngjes dhe mesditë, duke luhatur vlerat ditore nga -7°C deri në 12°C.
Era do të fryjë mesatarisht me shpejtësi 45 km/h nga drejtimi verilindor, duke bërë që në brigjet e Adriatikut dhe Jonit të gjenerohet dallgëzim 2-3 ballë.
