Të infektuarit me koronavirus në vendin tonë kanë pësuar një rritje të ndjeshme në 10 ditët e para të këtij viti.
Rastet e reja thuajse janë dhjetëfishuar.
Sipas të dhënave nga Ministria e Shëndetësisë, në 2 janar u raportuan 179 raste të reja. Ndërkohë që ditën e djeshme u regjistruan 2177 të infektuar.
Një shifër e tillë regjistrohet për herë të parë në vendin tonë, duke treguar se Omicron po përhapet me shpejtësi në të gjithë popullsinë, madje edhe te fëmijët.
Varianti Omicron i COVID-19 mund të jetë 105% më i transmetueshëm sesa Delta, sipas një studimi të fundit të shkencëtarëve francezë.
Por, lajmi i mirë vjen nga Universitetit i Uashingtonit, studiuesit e të cilit parashikojnë se Omicron do të shkaktojë 99% vdekje më pak nga paraardhësi i tij Delta.
Shkencëtarët gjithashtu vlerësojnë se përhapja e gjerë e Omicron mund të ndërtojë shumë më herët imunitetin e tufës, duke sjellë për rrjedhojë përmirësimin e emergjencës shëndetësore që mban të mbërthyer botën prej dy vitesh.
Lexo edhe: Rekord infektimesh me Covid në Shqipëri/ SIGAL UNIQA pranë jush me produktet më të mira
