Republikanët në SHBA po kthehen te debati i vjetër për kujdesin shëndetësor ndërsa çmimet e sigurimeve pritet të dyfishohen vitin e ardhshëm.
Kjo rritje vjen nga skadimi i subvencioneve të zgjeruara të Obamacare në fund të vitit, që prek miliona amerikanë në çdo shtet.
Ndryshe nga e kaluara, republikanët nuk po kërkojnë më shfuqizimin e plotë të ligjit por po flasin për “rregullimin e Obamacare”.
Megjithatë ata ende nuk kanë një plan të përbashkët dhe po nisin vetëm tani diskutimet për propozime konkrete.
Disa senatorë kërkojnë mbështetjen e Trump me ide rivale, përfshirë llogari shëndetësore të financuara nga qeveria.
Kryetari i Dhomës Majk Xhonson u shpreh se republikanët po punojnë çdo ditë për një zgjidhje dhe ka vendosur komunikim edhe me demokratët.
Demokratët duan një zgjatje trevjeçare të kredive tatimore, por Xhonson e refuzon.
Nëse nuk arrihet një alternativë brenda vitit, republikanët duhet të vendosin mes bashkëpunimit me demokratët ose lejimit të skadimit të subvencioneve, me pasoja të rënda politike.
Disa figura republikane paralajmërojnë se mosveprimi do të jetë katastrofë morale dhe politike për partinë, ndërsa senatori Rik Skot vazhdon të shtyjë përpara planin e tij për uljen e kostove përmes konkurrencës.
