Italia është goditur sërish ditën e sotme nga moti i keq, ku stuhitë e shiut breshëri dhe era kanë bërë që shumë zona të kenë probleme.
Më e rëndë gjendja është paraqitur në zonën e Toskanës, në Versilia, për të cilën guvernatori Eugenio Giani thekson se vendi është goditur nga një stuhi e fortë shiu dhe breshëri, ndërsa era arrin deri në 108 km/h.
Ndërkohë që edhe në Romë situata ka qenë mjaft e rënduar për shkak të erës së fortë dhe reshjeve të dendura të shiut dhe breshërit.
Një tornado goditi Monteçhia Crosara, duke shkaktuar dëme të konsiderueshme në sallën e sportit, ku u shembën edhe disa pemë. Ndërsa era e fortë ka bërë që të bien edhe tjegullat nga çatitë duke rrezikuar jetën e qytetarëve.
Sipas parashikimeve, stuhia pritet të prekë edhe Shqipërinë përgjatë ditës së sotme, çka do të sjellë edhe një ulje të ndjeshme të temperaturave në të gjithë territorin.
LEXO EDHE: Si të mbrojmë pasuritë tona nga fatkeqësitë natyrore?
