Sulmi nga hakerat iranianë ndaj INSTAT disa ditë më parë erdhi si pasojë e një e-maili “grep” dhe më pas u përhap në të gjithë sistemin.
Kështu ka thënë kreu i Autoritetit Kombëtar të Sigurisë Kibernetike në Shqipëri, Igli Tafa, gjatë një interviste për emisionin Opinion në Tv Klan.
Ai ka shpjeguar se e-maili phishing, siç quhet në gjuhën teknike ose një email mashtrues, i ka shkuar një përdoruesi i cili e ka hapur këtë e-mail që më pas ka rezultuar të jetë një sulm kibernetik.
Igli Tafa: Te INSTAT ka ndodhur sulmi si pasojë e një e-mail phishing, phishing quhet një e-mail i cili provokon një përdorues. Porta hyrëse ka qenë mail serveri, ka qenë një exchange mail serveri në version jo i ri, dhe si pasojë e kësaj…
Pra përmes një e-maili ka ndodhur?
Igli Tafa: Përmes një e-maili, pastaj është marrë ka kapur administratorin domaini dhe pastaj që aty ka kapur gjithë sistemin.
